ایجوکیشن پالیسی دا نواں فریم ورک بنڑا گھدا گئے،ایندے تے صوبیاں کوں اعتماد اچ گھدا ویندا پئے،وفاقی وزیر تعلیم شفقت محمود

اسلام آباد ۔ 30 جنوری (اے پی پی) وفاقی وزیر تعلیم و پیشہ ورانہ تربیت شفقت محمود آکھیے جو ایجوکیشن پالیسی دا نواں فریم ورک بنڑا گھدا گئے،ایندے تے سارے صوبیاں کوں اعتماد اچ گھدا ویندا پئے۔ اے گالھ انہاں سینیٹ دی قائمہ کمیٹی برائے تعلیم و تربیت دے اجلاس اچ آکھی جو ایجوکیشن پالیسی دا نواں فریم ورک بنڑایا گئے کیوں جو آئین دے آرٹیکل 25 Aسانگے تعلیم دی زمہ داری وفاقی حکومت دی اے۔اجلاس اچ ایریا سٹڈی سنٹر دا معاملہ وی زیر غور آئے۔ سینیٹر مظفر حسین شاہ آکھیا جو ایریا سٹڈی سنٹر وزارت تعلیم توں گھن تے وزارت خارجہ کوں ڈتا ونجے اتے ایریا سٹڈی سنٹر اچ کیتی گئی ترمیم ولا گھدی ونجے۔ وزیر تعلیم آکھیا جو ایریا سٹڈی سنٹر دی فنڈنگ ایچ آئی سی توں تھیندی اے،جڈاں دی ایچ آئی سی فنڈنگ کریندا پئے ایندی کارکردگی چنگی تھئی اے، ایم فل اتے پی ایچ ڈی دی تعدادوی ودھی اے۔ کمیٹی اے معاملہا ٓندے اجلاس تئیں موخر کر ڈتے۔