اسلام آباد ۔ 18 جنوری (اے پی پی) وزارت خارجہ ولوں قومی اسمبلی کوں ڈسایا گیا جو بھارتی فوج گزریل 5سال اچ مقبوضہ جموں تے کشمیر اچ مجموعی طور تے 1139 کشمیریاں کوں شہید کیتے ‘ جڈاں تئیں کشمیریاں دی اپنڑی زبان اچ دنیا کوں انہاں تے تھیونڑ آلے ظلم دیاں داستاناں کائناں سنڑوایاں ویسن بھارت دا چہرہ پورے طور تے بے نقاب کائناں تھیسی ،دنیا دے ہر فورم تے بھارت دے ایں ڈراونڑیں مکروہ چہرے کوں بے نقاب کرنڑ سانگے ہر ممکن اقدامات کیتے ویندے پن ۔ جمعے کو ں قومی اسمبلی اچ سوالاں دے وقفے دے د وران نورین فاروق خان دے سوال دے جواب اچ وزارت خارجہ ولوں تحریری جواب اچ قومی اسمبلی اچ ڈسایا گے جو بھارتی مقبوضة تے جموں کشمیر اچ بھارتی فوج ولوں انسانی حقوق دیاں مسلسل خلاف ورزیاں کیتیاں ویندیاں پن گزریل 5سال اچ کشمیر اچ شہید تھیونڑ آلیں دی تعداد 1139 اے ۔ 2014ءاچ 161 بندے ‘ 2015ءاچ 156 بندے‘ 2016ءاچ 156 بندے ‘ 2017ءاچ 291 لوک اتے 2018ءاچ 375 لوک شہید تھن
