اسلام آباد ۔ 17 جنوری (اے پی پی) صدر مملکت ڈاکٹر عارف علوی آکھیے جو بیماریاں کوں مکاونڑ سانگے صوبائی اداریں تے این جی اوز کوں رل تے کم کرنڑ دی ضرورت اے ،صحت متعلق عوامی آگاہی اچ میڈیادا کردار بہوں اہم اے ۔انہاں اے گال خمیس کوں اتھاں پاکستان نیشنل ہارٹ ایسوسی ایشن ولوں ڈتی ونجنڑ آلی بریفنگ اچ آکھی ۔ صدرمملکت آکھیا جو حفاظتی تدبیر تے عمل کرتے کئی بیماریاں توں بچیا ونج سگدے ۔انہاں آکھیا معمول دی ورزش اتے صفائی چنگی صحت دی ضامن اے ،انہاں عادات کوں اپنا تے صحت دے شعبے اچ غیر ضروری دباواچ کمی لاتی ونج سگدی اے ۔صدر آکھیا لیڈی ہیلتھ ورکرز دی استعدار کار اچ ودھارے دی ضرورت اے۔
