انقرہ۔ 25 جنوری (اے پی پی)صدر رجب طیب اردوان آکھیے جو ترکی واحد ملک ہے جیندا شام اچ موجودہونڑ دا مقصد انسانی ہے۔ انہاں آکھیے جو اساکوں7 لکھ 80 ہزار مربع کلو میٹردا وطن کافی ہے ،اساڈا کہیں ملک تے قبضے داکوئی ارادہ کائنی ہے۔صدر اردوان انقرہ اچ بری وار اکیڈمی دی تقریب اچ شام دی سرحد تے متوقع سکیورٹی زون بارے گالھ بات کریندے ہوئیں آکھیے جو اساکوں 7 لکھ 80 ہزار مربع کلو میٹر ملک کافی ہے۔ ترکی کہیں تے قبضے دی کوئی نیت نی رکھیندا۔ صدر اردوان آکھیے جو شام اچ ترکی دے آپریشناں دا مقصد اپنڑیاں سرحداں کوں محفوظ اتے اتھاں موجود عوام دے امن کوں یقینی بنڑاون ہے۔
