اسلام آباد ۔ 10 جنوری (اے پی پی)وفاقی کابینہ ای سی ایل جائزہ کمیٹی ولوں 20بندیاں دے ناں ای سی ایل توں کڈھنڑ دی سفارش مسترد کر ڈتی اے،جعلی اکاﺅنٹس دے معاملے اچ 172بندیاں دے ناں ای سی ایل اچ برقرار ہن ،سپریم کورٹ دے تفصیلی فیصلے دے بعد ای سی ایل اچ پاتے گئے نانواں دا جائزہ یا فیصلے تے نظر ثانی دی اپیل دائر کر سگدن،وفاقی کابینہ ای سی سی دے فیصلیاں،ائیر مارشل ارشد محمود کو ںپی آئی اے دے سی ای او ،شاہ رخ نصرت کوں ڈی جی سول ایوی ایشن اتے کمشنر اسلام اباد عامر علی احمد کو سی ڈی اے چیئرمین دااضافی چارج ، ریئر ایڈمرل اطہر کوں ایم ڈی کراچی شپ یارڈ انجینئرنگ ،صالح محمد کوں سیکرٹری ٹریڈ ڈویلمنٹ بمعہ ڈویلپمنٹ کمپنی کراچی دا اضافی چارج ،عائشہ عزیز کو ںایم ڈی انوسمنٹ کمپنی تعینات کرنڑ ،ٹوبیکو بورڈاچ ڈو ہفتیاں دے ودھارے توں انج سولر پاور ٹیرف جنریشن دی منظوری ڈے ڈتی اے،وزیراعظم ہاﺅس اچ 44ہزار بجلی دی یونٹس دے استعمال تے وزیراعظم نوٹس گھندیں ہوئیں آڈٹ دا حکم ڈے ڈتے۔وزیراعظم ہدایت کیتی جو اورسیز پاکستانیاں سانگے روزگار دے موقع پیدا کرنڑ سانگے 48گھنٹیاں اچ نیگٹو کیٹگری فہرست ڈتی ونجے اتے وزارت پٹرولیم گیس بارے جامع پالیسی آندی ونجے ۔خمیس کوں وفاقی کابینہ دے اجلاس دے بعد وفاقی وزیر اطلاعات تے نشریات چوہدری فواد حسین دی وفاقی وزیر شماریات خسرو بختیاراتے سیکرٹری شماریات ڈویژن دے رلے میڈیا کوں بریفنگ ڈیندے پئے ہن۔وفاقی وزیر اطلاعات و نشریات چوہدری فواد حسین آکھیا جو جعلی اکاﺅنٹس دا معاملہ 2015اچ شروع تھیا جئیں اچ سندھ حکومت دی اہم شخصیات بشمول وزیراعلی سندھ مراد علی شا ہ،آصف علی زرداری ،فریال تالپورایں سکینڈل دے مرکزی کردار ہن ،سندھ حکومت دے ارباں روپے بذریعہ مراد علی شاہ ،اومنی گروپ ،دوبئی ،لندن ،پیرس اتے بئے ملکاں اچ پجائے گئے ،جعلی اکاﺅنٹس دی تحقیقاتی رپورٹ 2018ءاچ تحقیقاتی رپورٹ پیش کیتی گئی جئیں اچ جے آئی ٹی دی سفارش تے 172دے ناں کابینہ ای سی ایل اچ سٹے ہن ۔ ،وزارت داخلہ دی ای سی ایل جائزہ کمیٹی کابینہ دے اجلاس اچ 20لوکاں دے ناں کڈھنڑ دی سفارش کیتی جئیں کوں کابینہ مسترد کر ڈتا۔
