ملتان ۔17 جنوری (اے پی پی) وزیراعلی پنجاب سردار عثمان بزدارنال سرکٹ ہاﺅس ملتان اچ وزیرخارجہ مخدوم شاہ محمود قریشی ملاقات کیتی۔ملاقات اچ صوبائی وزیرتوانائی پنجاب ڈاکٹر اختر ملک وی موجود ہن ۔ایں موقع تے جنوبی پنجاب دی عوام دی ترقی سانگے جاری پروگراماں تے تھیونڑ آلی پیش رفت بارے گالھ مہاڑ کیتی گئی ۔وزیراعلیٰ ایں موقع تے آکھیا جو پسماندہ علاقیاں خصوصی طور جنوبی پنجاب دی ترقی سانگے پہلی وار حقیقی معنیاں اچ کم شروع تھیے۔انہاں آکھیا جو جنوبی پنجاب اچ تحریک انصاف کوں ملنڑ آلے شاندار مینڈیٹ دی لاج رکھیسوں۔
