حکومت آئینی مُد پوری کریسی،آئی ایم ایف دے اگو گوڈے نی ٹِکیسوں،وزیر خارجہ شاہ محمود قریشی

APP40-25 UMERKOT: January 25 – Foreign Minister Makhdoom Shah Mehmood Qureshi addressing to his spiritual followers. APP

اسلام آباد ۔ 25 جنوری (اے پی پی) وزیر خارجہ شاہ محمود قریشی آکھیے جو حکومت آئینی مُد پوری کریسی،آئی ایم ایف دے اگو گوڈے نی ٹِکیسوں،دوست ملکاں دی مدد توں بعد معیشت درست رستے تے ٹر پئی اے،ا ٓونڑ آلے ڈینہاں اچ معاشی ترقی نظر آسی، کرتار پور راہدی کھول تے جگ کوں امن دا سنیہا ڈتے،50توں ودھ ملک اینجھے ہین جیکوں پاکستان آونڑ تے ویزہ مل ویسی،پیپلزپارٹی سندھ دے لوکاں کوں کیا ڈتے؟، پیپلزپارٹی سندھ اچ ظلم دی حد مُکا ڈتی۔ اے گالھ وزیر خارجہ شاہ محمود قریشی عمر کوٹ اچ گوٹھ عطا محمد پلی اتے میرپور خاص ٹول پلازہ تے میڈیا نال الویندے آکھی۔انہاں آکھیا جو کرتار پور راہداری منصوبے تے 2 ارب توں ودھ روپے لائے ویسن،امید اے جو عمرکوٹ توں کھوکھرا پار دا رستہ وی کھلسی۔وزیر خارجہ آکھیے جو 173ملکاں کوں ای ویزا سہولت دے حکومتی فیصلے نال صنعتاں ، سرمایہ کاری ، تجارت اتے سیاحت کوں ترقی ملسی۔ انہاں آکھیے جو پیپلزپارٹی سندھ کیتے کیا کیتے؟جیکر پانڑی دا بحران آیا تاں ایندے تے کیویں قابو پاتا ویسی،پولیس سیاسی ملازم بنڑی ہوئی اے، مٹھی دے اسپتالان اچ روز بال مردن،میں اتھاں وزیراعظم کوں گھن آساں اتے اتھو دی غربت ڈکھیساں۔انہاںا ٓکھیے جو حکومت کہیں دے آکھنڑ تے حکومت نہ ویسی اتے اپنڑی آئینی مدت پوری کریسی۔