اسلام آباد ۔ 11 جنوری (اے پی پی) وفاقی وزیر برائے انسانی حقوق ڈاکٹر شیریں مزاری آکھیے جو حکومت پاکستان اچ انسانی حقوق دی صورتحال چنگی کرنڑ کیتے پوری کوشش کریندی پئی اے، ایں سانگے مناسب قانون سازی وی کیتی ویسی۔ اے گالھ انہاں چائلڈ رائٹس موومنٹ دے وفد نال ملاقات اچ کیتی۔ ڈاکٹر شیریں مزاری مہماناں دا استقبال کیتے اتے ملک اچ انسانی حقوق دی صورتحال دی بہتری کیتے حکومت دیاں کوششاں بارے ڈسایا۔وفد حقوق اطفال، آگاہی اتے تحفظ کیتے کم کرنڑ آلے مختلف فورمزوچال تعاون مضبوط بنڑاونڑ کیتے مختلف تجاویز وی ڈتن۔ملاقات اچ اتفاق کیتا گئے جو وزارت انسانی حقوق دے اقدامات تے رسائی اتے عملدرآمد کیتے موجودہ نیٹ ورک کوں استعمال کیتا ویسی۔
