حکومت دیاں دوستانہ پالیسیاں؛ پاکستان اچ دسمبر 2018ءدے دوران غیر ملکی براہ راست سرمایہ کاری اچ 17 فیصد ودھارا ریکارڈ

اسلام آباد ۔ 17 جنوری (اے پی پی) حکومت پاکستان دیاں دوستانہ پالیسیاں پاروں پاکستان اچ دسمبر 2018ءدے دوران غیر ملکی براہ راست سرمایہ کاری اچ 17 فیصد ودھارا ریکارڈ کیتا گئے۔ خزانہ ڈویژن دے ترجمان دے ہک ٹوئیٹ دے مطابق دسمبر 2018ءاچ ملک اچ 319.2 ملین ڈالر دی غیر ملکی براہ راست سرمایہ کاری تھئی جڈاں جو ایں توں پہلے سال 2017ءدے ایں عرصے اچ 272.8 ملین ڈالر دی سرمایہ کاری تھئی ہئی۔ ترجمان دے مطابق سب توں ودھ سرمایہ کاری چین کیتی جیندا حجم 120.6 ملین ڈالراے۔ ایویں ناروے اتے ہالینڈ ولوں بالترتیب 65.2 ملین ڈالر اتے 47.6 ملین ڈالر دی سرمایہ کاری کیتی گئی۔