اسلام آباد ۔ یکم جنوری (اے پی پی) راولپنڈی اسلام آبادسودھے ملک دے بالائی علاقیاں اچ کجھ جاہیں تے ہلکی بارش جڈاں جو پہاڑاں تے برف باری دا امکان اے۔ محکمہ موسمیات دے مطابق (اج) بدھ کوں ملک دے بیشتر علاقیاں اچ موسم ٹھڈا اتے رکھا راہسی بھل مالاکنڈ، ہزارہ، مردان، راولپنڈی، گوجرانوالہ، لاہور ڈویژن، اسلام آباد، گلگت بلتستان اتے کشمیر اچ کجھ جاہیں تے ہلکی بارش اتے پہاڑاں تے برف باری دا امکان اے۔ گزریل 24 گھنٹے اچ پنجاب دے کجھ میدانی علاقیاں، بالائی سندھ اتے پشاور ڈویژن اچ سویلے دھند پئی اے۔ملک دے بئے علاقیاں اچ موسم ٹھڈا اتے رکھا رہیے۔ایں دوران ملک اچ گھٹ توں گھٹ درجہ حرارت اسکردو منفی09، گوپس منفی08، استور منفی06، کالام منفی05، بگروٹ، ہنزہ، پاراچنار، گلگت، راولاکوٹ منفی03، چترال، دیر، مالم جبہ، قلات منفی02، رسالپور، مری، گڑھی دوپٹہ، ڑوب، بونجی منفی01ڈگری سینٹی گریڈریکارڈکیتا گئے۔
