سانحہ ساہیوال ،72گھنٹیاں اچ ذمہ واراں دے خلاف کاروائی دے اعلان تے عمل کر تے ڈکھائے،عثمان بزدار

صوبے اچ قانون تے انصاف دی عملداری یقینی بنڑاونڑ سانگے اخیری حد تئیں ویسوں،وزیراعلیٰ
لاہور۔23 جنوری(اے پی پی ) وزیراعلیٰ عثمان بزدارآکھیا جو سانحہ ساہیوال ،72گھنٹیاں اچ ذمہ واراں دے خلاف کاروائی دے اعلان تے عمل کر تے ڈکھائے،۔انہاں آکھیا جو نویں پاکستان اچ قانون توں ودھنڑ آلیاں سانگے کوئی گنجائش کائنی۔پنجاب دی حکومت انصاف دے وعدے دے نال کھڑی اے اتے جے آئی ٹی دی ابتدائی رپورٹ کوں ڈیکھدیں ہوئیں فیصلے دے ذمہ واراں دا تعین کیتا گئے اتے انہاں دے خلاف قانون دے مطابق کاروائی کیتی ویسی۔انہاں آکھیا جو صوبے اچ قانون تے انصاف دی عملداری یقینی بنڑاونڑ سانگے اخیری حد تئیں ویسوں۔