اسلام آباد ۔ 24 جنوری (اے پی پی) وزیر خارجہ شاہ محمود قریشی آکھیے جو تکھے آونڑ آلیاں تبدیلیاں اچوں اساکوں بہوں سارے چیلنجز دا سامنڑاں اے،اساڈے سفارت کاراں کوں انہاں چیلنج دا مقابلہ کرنڑاں ہوسی ،اساکوں معاشی سفارت کاری دے جدید طریقیں تے توجہ کرنڑیں ہوسی ۔خمیس کوں فارن سروسز اکیڈمی اچ 48ویں سپیشلائزڈ ڈپلومیٹک ٹریننگ کورس اچ شامل افسراں دی گریجویشن تقریب نال خطاب کریندے ہوئیں وزیر خارجہ آکھیا جو تکھے آونڑآلیاں عالمی تبدیلیاں اچوں پاکستان کیتے جتھاں بہوں سارے موقع موجود ہن اتھان اساکوں انہاں چیلنج دا وی سامنڑاں اے ۔اساڈے سفارتکاراں کوں انہاں چیلنجز دا مقابلہ کرنڑاں اے ۔تقریب اچ سیکرٹری خارجہ تہمینہ جنجوعہ ،سابقہ ڈی جی اکیڈمی، ریٹائرڈ سینئر سفارتکار، اسلام آباد دے تعلیمی اداریں دے نمائندیں تے تربیت مکمل کرنڑ آلے افسراں تے انہاں دی فیملیز شرکت کیتی ۔
