سپریم کورٹ آئی پی پیز معاہد یں دی تفصیلات جمع کراونڑ دا حکم ڈتے، متبادل توانائی پالیسی دا اعلان ڈو مہینے اچ تھی ویسی ،وفاقی وزیر پاور ڈویژن عمرایوب خان

اسلام آباد ۔ 14 جنوری (اے پی پی) وفاقی وزیر پاور ڈویژن عمرایوب خان آکھیے جو سپریم کورٹ آئی پی پیز معاہدیں دی تفصیلات جمع کراونڑ دا حکم ڈتے ،متبادل توانائی پالیسی دا اعلان ڈو مہینے اچ تھی ویسی ،سابق حکومتاں دی توانائی پالیسیاں دا جائزہ گھندے پیوں ،سنوار کوں اتھاں صحافیاں نال گال مہاڑ کریندے ہوئیںعمر ایوب خان آکھیا جو بجلی دی ونڈ کار کمپنیاں کوں 60فیصد ادائیگیاں توانائی دی مد اچ کیتیاں ویندن جڈاں جو 40فیصد ادائیگیاں استعداد کار دی مد اچ کریندن ۔انہاں آکھیا جو بجلی گھراں کوںاستعداد کار سانگے ادائگیاں کرنڑیاں پوندن تاں جو او اپنڑی صلاحیت دے مطابق ہر وقت بجلی ڈیون ،سرکاری بجلی گھراں کوں وی استعداد کارسانگے ادائیگیاں کرنڑیاں پمدن ۔