اسلام آباد ۔ 24 جنوری (اے پی پی) وفاقی وزیر منصوبہ بندی، ترقی و اصلاحات اتے شماریات ڈویژن مخدوم خسرو بختیارآکھیے جو سپیس ٹیکنالوجی اتے سائنسز دا موثر استعمال ملکی سماجی و اقتصادی ترقی اچ اہم کردار ادا کرسگدے ،جیو سپیشل ٹیکنالوجیز اتے سیٹیلائٹ امیجری دے استعمال نال ترقیاتی منصوبیں دی حقیقی نگرانی اتے نقشہ سازی کیتی ونج سگدی اے جیرھی جو منصوبیں اچ شفافیت کوں یقینی بنڑاونڑ دے علاوہ منصوبہ بندی تے عمل در آمد اچ وی مدد ڈیسی ۔اے گال انہاں خمیس کوں اسلام آباد اچ سماجی و اقتصادی ترقی سانگے پاکستان ریموٹ سینسنگ سیٹلائٹ (پی آر ایس ایس-۱) دے اعدادوشمار دے استعمال تے ہک مشاورتی سیمینار نال خطاب کریندے ہوئیں آکھی ۔ سیمینار دا اہتمام سپارکو پلاننگ کمیشن آف پاکستان دی سانجھ نال کیتا گیا ہئی جیں اچ مختلف وزارتاں اتے محکمے دے سیکر ٹری تے نمائندیں شرکت کیتی۔ ایں موقع تے چیئرمین سپارکو کمیشن بارے تفصیلی بریفنگ ڈتی۔
