اسلام آباد ۔ 23 جنوری (اے پی پی) سپیکر قومی اسمبلی اسد قیصرنال پاکستان اچ موجود مختلف ملکاں دے سفارت خانیں اچ تعینات اتاشیاں ملاقات کیتی ۔ ملاقات اچ اہم علاقائی تے عالمی امور اتے مختلف ملکاں دے پاکستان نال تعلقات تے گال مہاڑ کیتی گی ۔ایں موقع تے سپیکر قومی اسمبلی آکھیا جو پاکستان ہک پر امن ملک اے تے سارے ملکاں دے نال دوستانہ تعلقات قائم کرنڑ تے یقین رکھیندے،پاکستان اچ سرمایہ کاری دے بہوں سارے موقع موجود ہن جیں نال باہرلے سرمایہ فائدہ چا سگدن ۔انہاں آکھیا موجودہ حکومت ملک اچ سرمایہ کار دوست پالیسیاں متعارف کرویندی پئی اے تے سرمایہ کاراں دے سرمائے کوں تحفظ ڈیونڑ کیتے اقدامات کریندی پئی اے ۔ اسد قیصر آکھیا جو پاکستان اچ دل کوں بھاونڑیں قدرتی مناظر آلے سیاحتی مقامات تے دنیا دے بہوں اچے پہاڑی سلسلے موجود ہن ۔پاکستانی قوم تے سیکورٹی اداریں دنیا اچ امن دی خاطر دہشتگردی دی جنگ اچ بہوں ساریاں قربانیاں ڈتن ۔سفارت کار اپنڑے ملکاں اچ پاکستان دے حقیقی تشخص کوں اجاگر کرنڑ اچ کردار ادا کرن۔
