اسلام آباد ۔ 11 جنوری (اے پی پی) سپیکر قومی اسمبلی اسد قیصرنال پیپلزپارٹی دے رہنما سید خورشید احمد شاہ جمعے کوں سپیکر ہاﺅس اچ ملاقات کیتی جیں اچ قائمہ کمیٹیاں بنڑاونڑ سمیت بئے امور تے گال مہاڑ کیتی گی ۔سپیکر قومی اسمبلی اسد قیصر سید خورشید شاہ نال گال مہاڑ کریندے ہوئیں آکھیے جو کمیٹیاں کوں وختی فعال بنڑاونڑ اچ اپوزیشن کردار اداکرے ۔ حکومت تے اپوزیشن دے مشور نال عوام دے مفاد سانگے قانون سازی ناگزیر اے ۔ سید خورشید شاہ آکھیا جو اپوزیشن عوامی مسلیں دے حل سانگے قانون سازی تے تیار اے ۔انہاں ایں موقع تے آکھیا جو حکومت کوں منی بجٹ نئیں گھن آونڑاں چاہیدا حزب اختلاف عوام تے بوجھ پاونڑ آلے کہیں وی اقدام دی مخالفت کریسی ۔
