اسلام آباد ۔ 28 جنوری (اے پی پی) سینیٹ سینیٹ بلیک لسٹ اچ ناں پاونڑ دے طریقہ کاراتے فہرست دی قانونی حیثیت تے قائمہ کمیٹی قانون و انصاف دی رپورٹ منظورکرگھدی اے۔ ایوان بالا دے اجلاس اچ وزیر پارلیمانی امور علی محمد خان رپورٹ تے الویندے آکھیے جو کمیٹی دے تحفظات سامنڑے آگین،ماضی اچ لوکاں کوں غیر قانونی طور تے باہرو بھیجا گئے،وائٹ کالر کرائم اتے دہشتگردی کرنڑ آلیاں دے خلاف اداریاں دے ہتھ مضبوط کیتے ویسن، ای سی ایل دانظام اتنا مضبوط کائنی، کوئی دہشتگردی یا جرم کرتے پاکستان توں نکلنڑدی کوشش کرے تاں اوکوں روکنڑ دا کیا طریقہ اے، ایں مسلے داحل کڈھنڑا ہوسی۔ایوان اچ کمیٹی دے چیئرمین سینیٹر جاوید عباسی اے رپورٹ پیش کیتی۔رپورٹ بارے انہاں آکھیا جو بلیک لسٹ دی کوئی اہمیت کائنی،ایندی بنیاد تے غیر قانونی طورتے لوکاں کوں بیرون ملک ونجنڑ توں روکیا ویندے، سالاں توں اے سلسلہ چلدا پئے۔ سینیٹر ڈاکٹر سکندر میندھر و، سینیٹر میاں رضا ربانی، سینیٹر مشاہد حسین سید ،سینیٹر جاوید عباسی،سینیٹر شیری رحمان ،سینیٹر میر سرفراز بگٹی اپنڑے تحفظات پیش کیتے ۔وفاقی وزیر تعلیم و پیشہ ورانہ تربیت شفقت محمودآکھیے جیکر کوئی غلط کم تھیندا پئے تاں حکومت ایندی حمایت نہ کریسی، پتا لگنڑا چاہیدے جو بلیک لسٹ دا طریقہ کار کداں شروع تھئے،پاسپورٹ ایکٹ اچ ابہام رکھیا گئے تاں پیپلزپارٹی دی حکومت ہئی جیندی بنیاد تے بلیک لسٹ بنڑی،جیکر کہیں وزیرکہیں خفیہ لسٹ دا ڈسائے تاں ایکوں سامنڑے گھن آیا ویسی،کمیٹی دی رپورٹ اچ خامیاں دور کیتاں ویسن۔چھیکڑ تے چیئرمین کمیٹی دی رپورٹ تے ایوان دی رائے گھدی اتے ایوان بالاکمیٹی دی رپورٹ دی منظوری ڈے ڈتی۔
