سی پیک تحت 19 ارب ڈالر مالیت دے10 منصوبے مکمل، 12 منصوبے مکمل تھیونڑ دے مرحلے اچ ہن

اسلام آباد ۔ 25 جنوری (اے پی پی) چین پاکستان اقتصادی راہدری منصوبے تحت 19 ارب ڈالر مالیت دے10 منصوبے مکمل تھی گن جڈاں جو 12 منصوبے مکمل تھیونڑ دے چھیکڑی مرحلے اچ ہن، انہاں منصوبیں توں پاکستان اچ روزگار دے نویں مواقع ملسن، راولپنڈی توںخنجرہنڑ تئیں آپٹیکل فائبر کیبل دامنصوبہ وی مکمل کیتا جا چکے۔ چینی سفارت خانہ حکام ”اے پی پی“کو ں ڈسایا جو سی پیک دی مدد نال پاکستان اچ 2030ءتئیں روزگار دے 7 لکھ توں ودھ نویںمواقع ملسن جیندی مدد نال غربت دی شرح اچ گھٹکی اتے بے روزگاری مکاونڑ اچ مدد ملسی۔ سی پیک مکمل تھیونڑ نال پا کستان اچ خوشحالی دے نویں بوہا کھلسن، منصو بے دے خلاف تھیونڑ آلی کہیں وی سازش کوں کامیاب کائناں تھیونڑ ڈیسو۔ حکام مطابق چین پاکستان اقتصادی راہداری (سی پیک ) منصوبہ عوام دے معیار زندگی کوں چنگا بنڑاونڑ اچ گیم چینجر منصوبہ ثابت تھیسی۔ ترقی پذیر ملک ہونڑ دے ناطے پاکستان سی پیک منصوبیں سانگے صرف مقامی وسائل تے بھروسہ نی کرسگدا۔ منصوبہ دی وجہ نال مختلف خطیاں وچال رابطے ودھسن جڈاں جو پاکستان اچ انفراسٹرکچردی چنگائی ممکن تھی سگسی۔ حال دے کجھ سالاں اچ بیلٹ اینڈ روڈ تحت مختلف منصوبیں اچ کامیابی دے نال کم مکمل کیتا گئے ،سی پیک دے بعد پاکستانی معیشت تے ماہرین دی گھاٹی نظر ہے ،پاکستانی معیشت کو ںوسائل دی ضرورت ہے اتے ا یہ وسائل پاکستانی معیشت کوں ملدے پن۔