صحت خراب نواز شریف دی ہووے یا ول کہیں بئے رہنما دی، ڈوہائیں پاسوں ایندے تے سیاست نئی تھیونڑیں چاہیدی،سینیٹر فیصل جاوید

اسلام آباد ۔ 25 جنوری (اے پی پی) تحریک انصاف دے رہنما سینیٹر فیصل جاوید آکھیے جو صحت دی خرابی نواز شریف دی ہو ئے یاول کہیںبئے رہنما دی، ڈوہائیں پاسوں ایندے تے سیاست نی تھیونڑیں چاہیدی ‘ پاکستان مسئلہ کشمیر دے حل سانگے بھارت کوں ولا ولا مذاکرات دی دعوت ڈیندا پئے۔ جمعہ کوں پارلیمنٹ ہاﺅس دے باہر میڈیا نال گال مہاڑ کریندے ہوئیں انہاں آکھیا جو صحت دی خرابی نواز شریف دی ہووے یا کہیں بئے رہنما دی، ڈوہائیں پاسوں ایں تے سیاست نئیں تھیونڑ چاہیدی۔ انہاں آکھیا جو حکومت ملک وچوں غربت مکاونڑ سانگے پالیسیاں تیار کریندی پی ہے، عمران خان دا سیاست اچ آونڑ دا مقصد ملک توں غربت مکاونڑ ہے۔ ایں حوالے نال اپوزیشن وی حکومت دے نال رل مل تے کم کرے۔ سینیٹر فیصل جاویدآکھیے جو چنگی حکومت سانگے چنگی اپوزیشن دا ہوونڑ وی ضروری ہے۔ اپوزیشن اپنڑے مسئلے تے پھسی ہوئی ہے، انہاں کو ںعوام دی فکر کائنی ہے۔