اسلام آباد ۔ 18 جنوری (اے پی پی) وزیر خارجہ شاہ محمود قریشی آکھیے جو فعال اتے مضبوط اقوام متحدہ عالمی امن اتے استحکام کیتے ناگزیر اے ، اساں اجتماعی کوششاں دے ودھارے نال ہی عالمی مسلیں دا حل لبھ سگدوں ۔اے گال انہاں اقوام متحدہ دی جنرل اسمبلی دی صدر ماریہ فرنینڈا اسپنوزا نال گال مہاڑ کریندے ہوئیں آکھی جنہاں جمعے کوں اتھاں وزارت خارجہ اچ انہاں نال ملاقات کیتی ۔ ملاقات اچ کشمیر سمیت اہم عالمی اتے علاقائی معاملات تے وی گال مہاڑ کیتی گی ۔ فریقین متفقہ طور تے مسلیں دے حل تے امن استحکام دے قیام سانگے اقوام متحدہ کوں ہک ناگزیر پلیٹ فارم قرار ڈتا۔ وزیر خارجہ مخدوم شاہ محمود قریشی صدر اقوام متحدہ جنرل اسمبلی کوں مقبوضہ جموں و کشمیر اچ بھارت ولوں مسلسل انسانی حقوق دیاں سنگین خلاف ورزیاں تے پاکستان دی گہری تشویش دا ڈسایا ۔ وزیر خارجہ ولوں جموں و کشمیر دے مسلیں دے حل سانگے یو این سلامتی کونسل دیاں قرارداداں تے مکمل عملدرآمد کوں یقینی بنڑاونڑ تے زور ڈتا ۔
