اسلام آباد ۔ 17 جنوری (اے پی پی) قومی خبر رساں ادارے ایسوسی ایٹڈ پریس آف پاکستان (اے پی پی) حیدر آباد نال منسلک سینئر تریمت صحافی فرحت شیخ خمیس دی سویل حیدر آباد اچ انتقال کر گئن ۔ انہاں دی عمر تقریباً 56 سال ہئی، مرحومہ دمے دے مرض اچ مبتلا ہن تے گزریل ترائے ہفتے توں حیدر آباد دے نجی ہسپتال اچ زیر علاج ہن ۔انہاں دی نماز جنازہ بعد نماز مغرب صدیق اکبر مسجد تلک چرہی حیدر آباد اچ ادا کیتی ویسی تے تدفین کنٹونمنٹ قبرستان اچ کیتی ویسی ۔ قومی خبر رساں ادارے دے منیجنگ ڈائریکٹر قمراللہ چوہدری ، صحافیاں اتے عملے فرحت شیخ دے انتقال تے دلی تعزیت دا اظہار کیتے ۔ ایم ڈی اے پی پی مرحومہ دے ادارے سانگے خدمات دی تعریف کریندے ہوئیں دعا کیتی جو اللہ سئیں مرحومہ کوں اپنڑی جوار رحمت اچ جاہ ڈیوے تے انہاں دے خاندان کوںڈکھ برداشت کرنڑ دا صبر ڈیوے ۔اے پی پی ہیڈ آفس اسلام آباد اچ جمعے کوں بعد نماز عصر مرحومہ دی روح دے ثواب کیتے فاتحہ خوانی کیتی ویسی ۔
