اسلام آباد ۔ 25 جنوری (اے پی پی)ریڈیو، ٹی وی، فلم اتے تھیٹر دی معروف اداکارہ روحی بانو ترکی اچ وفات پا گین۔روحی بانوڈو مہینے توں بہوں بیمار ہن اتے انہاں کوں نفسیاتی مسائل اتے گردیاں دی تکلیف ہئی۔انہاں دی عمر 67سال ہئی۔ روحی بانو 10اگست 1951ءکوں کراچی اچ برصغیر دے معروف طبلہ نواز استاد اللہ رکھا دے گھر جمین۔ انہاں فلسفہ اچ ماسٹر ڈگری گھدی اتے ستر دے ڈھاکے اچ پاکستان ٹیلی ویژن توں کیریئر شروع کیتا۔ انہاں دے معروف ڈرامے اچ کرن کہانی، زرد گلاب ، دروازہ اتے اشتباہ نظر شامل ہین۔انہاں کوں لائف ٹائم اچیومنٹ ایوارڈوی ڈتا گیا۔ روحی بانو اپنڑے پتر دے قتل توں بعد نفسیاتی مسلیاں دا شکار تھین اتے مرنڑ تئیں ایںغم اچوں نئیں نکل سگیاں۔
