اسلام آباد ۔ 6 جنوری (اے پی پی) وفاقی وزیر اطلاعات و نشریات چوہدری فواد حسین آکھیا جو متحدہ عرب امارات پاکستان اچ آئل ریفائنری تعمیر بنڑیسی،ابوظہبی دے ولی عہد شیخ محمد بن زید النیہان دے دورہ پاکستان اچ آئل ریفائنری دی صورت اچ وڈی سرمایہ کاری تے گالھ مہاڑ کوں چھیکڑی شکل ڈے ڈتی گئی اے۔اتوار کوں صحافیاں نال گالھ مہاڑ کریندیں ہوئیں انہاں آکھیا جو متحدہ عرب امارات پہلے ای ادائیگیاں دے توازن دے مسئلے نال نبڑنڑ سانگے پاکستان کوں ترائے ارب ڈالر کیش تعاون دا اعلان کیتے جڈانجو پاکستان کوں موخر ادائیگیاں تے تیل ڈیونڑ بارے وی گالھ تھی اے۔انہاں آکھیا جو متحدہ عرب امارات اوکھے ویلھے پاکستان نال تعاون کیتے کیونجو یو اے ای د ی قیادت پاکستان کوں اپنڑاں ڈوجھا گھر سمجھدی اے ،ڈوہیں ملکاں اچ نیڑے دے برادرانہ تعلقات ہن ۔انہاں آکھیا جو شیخ محمد بن زید النیہان دے دورہ پاکستان نال ڈوہیں ملکاں اچ پہلے توں موجود خوشگوار تعلقات بئے پکے تھیسن۔
