نیلم جہلم سرچارج کوں بھاشا اتے مہمند سرچارج اچ بدلنڑ دی کوئی تجویز تے غور کائنی، وفاقی وزیر آبی وسائل فیصل ووڈا

اسلام آباد ۔ 23 جنوری (اے پی پی) وفاقی وزیر برائے آبی وسائل فیصل ووڈا آکھیا جو نیلم جہلم سرچارج کوں بھاشا اتے مہمند سرچارج اچ بدلنڑ دی کوئی تجویز تے غور کائنی،مہمندڈیم بارے سارے قواعد اتے ضوابط دی پاسداری کیتی گئی اے، ،ولا ٹینڈر ڈیونڑ دی صورت اچ دیر تھیسی جئیں نال لاگت ودھ سگدی اے۔بدھ کوں سینیٹ اجلاس اچ سوالاں دے وقفے اچ سینیٹر مہر تاج روغانی دے سوال تے انہاں ڈسایا جو ای سی سی’ کمرشل آپریشن ڈیٹ (سی او ڈی)تئیں نیلم جہلم سرچارج جمع کرنڑ دی منظوری ڈتی ہئی ،ایں دی مدت دسمبر2018ءتئیں ہئی ۔انہاں آکھیا جو نیلم جہلم سرچارج کوں بھاشا اتے مہمند سرچارج اچ بدلنڑ دی کوئی تجویز تے غور کائنی،مہمندڈیم بارے سارے قواعد اتے ضوابط دی پاسداری کیتی گئی اے۔