اسلام آباد ۔ 4 جنوری (اے پی پی) پنجاب دے میدانی علاقیاں اچ ودھ ساری کوہیڑ پاروں ملتان خانیوال موٹروے ٹریفک سانگے بند کر ڈتی گی ۔ ملک دے بہوں سارے علاقیں اچ کوہیڑ دی شدت برقرار اے جڈاں جو میدانی علاقیں کوں کوہیڑ اپنڑی وکیڑ اچ گھن گھدے جیں پاروں ٹریفک دی روانی ودھ ساری متاثر تھی اے ۔ ملتان خانیوال موٹروے کوں بند کر ڈتا گے ۔جمعے کوں لاہور، اسلام آباد، گوجرانوالہ، سرگودھا، فیصل آباد، اتے کوئٹہ سمیت کجھ جہیں تے مینھ تے پہاڑاں تے برف باری دا امکان اے ۔ موٹر وے پولیس دے ترجمان دے مطابق چچہ وطنی، میاں چنوں، لودھراں، بہاولپور، احمد پور شرقیہ،رحیم یار خان،خان پور ،لیاقت پور سمیت بئے علاقیں اچ کوہیڑ پوندی پئی اے ۔ ملتان خانیوال موٹروے کو ں ودھ ساری کوہیڑ پاروں بند کر ڈتا گے ۔ موٹروے پولیس ولوں شہریاں کوں فوگ لائٹاں دے استعمال کرنڑ تے غیر ضروری سفر نہ کرنڑ دی ہدایت کیتی اے ۔
