اسلام آباد ۔ 31 جنوری (اے پی پی)وزارت موسمیاتی تبدیلی اتے نیشنل رورل سپورٹ پروگرام (این آر ایس پی) وچال مفاہمتی یاداشت تے دستخط تھی گئن ، مفاہمتی یاداشت تے وزارت موسمیاتی تبدیلی دے ڈائریکٹر جنرل ماحولیات عرفان طارق اتے نیشنل رورل سپورٹ پروگرام دے چیف ایگزیکٹو افیسر ڈاکٹر راشد باجوہ دستخط کیتے۔ وزیراعظم دے مشیر موسمیاتی تبدیلی ملک امین اسلم آکھیا جو ایں یاداشت دے تحت ڈاہ بلین ٹری سونامی اچ ڈرون جیہوجی جدید ٹیکنالوجی دا استعمال تھیسی جیں نال وسیع پیمانے تے محیط علاقے اچ شجرکاری تھی سگسی ۔ یاداشت دا مقصد “ چیلنج فنڈ فار کلائمیٹ سمارٹ پروجیکٹ “ دا قیام اے جیں دے تحت نیشنل رورل سپورٹ پروگرام، وزارت موسمیاتی تبدیلی دے تعاون نال ہک کروڑ رپے دا فنڈز جاری کریسن جیرھا جوکلین گرین پاکستان موومنٹ دے تحت ترقیاتی کم تے خرچ تھیسی ۔ مفاہمتی یاداشت دے تحت چیلنج فنڈ فار کلائمیٹ سمارٹ پروجیکٹ دا آغاز مارچ دے مہینے توں تھیسی تے ڈاہ بلین ٹری سونامی پروجیکٹ اچ “ ڈرون” دے ذریعے شجرکاری تھیسی۔
