اسلام آباد۔20جنوری(اے پی پی) وزیر اعظم عمران خان ساہیوال واقعہ تے افسوس دا اظہار کریندے ہوئے آکھیے جو واقعہ بارے مشترکہ تحقیقاتی ٹیم دی رپورٹ دے بعد ذمہ داراں دے خلاف فوری کارروائی کیتی ویسی۔ اپنڑے ٹوئیٹر سنیہے اچ وزیراعظم آکھیے جو محکمہ انسداد دہشت گردی ملک اچ دہشت گردی دے خلاف جنگ سانگے بہوں اہم کردار ادا کیتے بھل قانون کوں ہر کوئی جوابدہ ہے اتے شہریاں دا تحفظ کرنڑ ریاست دی ذمہ واری اتے فرض اے جیہڑا پورا کیتا ویسی۔وزیراعظم آکھیے جو او ڈریے ہوئے بالاں کوں ڈیکھ تے بہوں صدمے اچ ہین جیندے اکھیں دے اگو انہاں دے پیو ما کوں گولیاں مار تے قتل کرڈتا گئے۔ وزیراعظم آکھیے جو ریاست انہاں بالاں دی ڈیکھ بھال آپ کریسی۔
