اسلام آباد ۔ یکم جنوری (اے پی پی) وزیراعظم عمران خان ترک صدر رجب طیب اردوان دی دعوت تے 3 اتے 4 جنوری کوں ترکی دا ڈو ڈینہہ دا دورہ کریسن ۔ اے انہاں دا ترکی دا پہلا باضابطہ دورہ ہوسی۔ وزیر خارجہ مخدوم شاہ محمود قریشی‘ وزیر منصوبہ بندی مخدوم خسرو بختیار اتے وزیراعظم دے مشیر برائے تجارت عبدالرزاق داﺅدسودھا ہک اعلیٰ سطح دا وفدوی وزیراعظم دے نال ویسی۔ وزیر اعظم ترکی اچ ترک صدر نال ملسن اتے ڈوہاں ملکاں دے تعلقات، تجارت و سرمایہ کاری تے الویسن۔ملاقات اچ عالمی اتے علاقائی صورتحال تے وی غور کیتا ویسی۔وزیراعظم بزنس فورم نال وی خطاب کریسن اتے انقرہ اچ ترک کاروباری شخصیات اتے سرمایہ کاراں نال وی ملسن۔
