اسلام آباد ۔ 16 جنوری (اے پی پی) حکومت عوامی مسلیں دے حل سانگے نیشنل ایکشن پلان مرتب کرنڑ دا فیصلہ کیتے جیں سانگے خصوصی پارلیمانی کمیٹی دے قیام تے اپوزیشن جماعتاں کوں اعتماد اچ گھننڑ دے حوالے نال سپیکر قومی اسمبلی اسد قیصر کوں ذمے واری ڈتی گی اے ۔ کمیٹی نیشنل ایکشن پلان مرتب کرنڑ دے حوالے نال سفارشات مرتب کریسی۔ سپیکر قومی اسمبلی اسد قیصر سارے عمل دے نگران دے طور تے فرائض سر انجام ڈیسن ۔ ذرائع دے مطابق وزیراعظم عمران خان تعلیم‘ صحت‘ پانڑیں دی قلت تے زراعت جیہوجے شعبیں دے مسلیں دے حل سانگے نیشنل ایکشن پلان بنڑاونڑ دا فیصلہ کیتے ،ایں سلسلے اچ وزیراعظم سپیکر قومی اسمبلی اسد قیصر کوں ہدایت کیتی جو ایں حوالے نال ہک خصوصی پارلیمانی کمیٹی قائم کیتی ونجے۔جیرھی جو انہاں مسلیں دے حلا سانگے نیشنل ایکشن پلان پلان مرتب کرنڑ سانگے سفارشات مرتب کریسی۔سپیکر قومی اسمبلی ایں کمیٹی دے سربراہ ہوسن تے نیشنل ایکشن پلان تے عملدرآمد دی نگرانی کریسن۔ ذرائع دے مطابق سپیکر قومی اسمبلی اسد قیصر کوں آکھیا گے جو او ایں سلسلے اچ ساریاں پارلیمانی جماعتاں کوں اعتماد اچ گھنن ۔پارلیمانی کمیٹی قومی ایکشن پلان اچ ساریاں جماعتاں کوں رلایا ویسی تے کمیٹی اپنڑی رپوٹ پارلیمنٹ اچ پیش کریسی ۔
