اسلام آباد ۔ 28 جنوری (اے پی پی) وزیر اعظم دے معاون خصوصی سمندر پارپاکستانیز سید ذوالفقار عباس بخاری دبئی اچ آمرن لیبر کیمپ دا دورہ کیتا، معاون خصوصی دا دبئی اچ لیبر کیمپس دااے ڈوجھا دورہا ے۔معاون خصوصی دی آمدنال مزدورخوش تھی گئے ۔ معاون خصوصی لیبر کیمپ اچ ونج تے پاکستانی مزدوراں توں انہاں دے حال حالات پچھے، انہاں دے مسلے تے حکام تے رویے تے تفصیلی معلومات گھدیاں ۔دورے دے دوران ذوالفقار عباس بخاری پاکستانی مزدوراں کوں ڈتیاں گیاں سہولتاں دا وی جائزہ گھدا ۔ایں موقع تے معاون خصوصی آکھیا جو مزدور اساڈے ملک دا اثاثہ ہن،اج انہاں کوں خوش تھیندا ڈیکھ تے میڈا دل وی خوش تھئے ۔انہاں دی تکلیف اساڈی تکلیف اے۔انہاں آکھیا باہرلے ملکاں اچ اپنڑے وطن دے لوکاں واسطے جیرھا کجھ وی تھیا اساں کریسوں ۔انہاں آکھیا او قانونی طریقے نال رقم دی منتقلی بارے مہم چلیندے پن ہر بندہ جیرھا وی باہر رہندے ایندا پاکستان اچ تبدیلی گھن آونڑ اچ کردار ہوسی ۔
