وزیر اعظم عمران خان دی مصطفیٰ کمال اتاترک دے مزارتے حاضری

انقرہ ۔ 4 جنوری (اے پی پی) وزیر اعظم عمران خان جمعہ کوں انقرہ اچ جدید ترکی دے بانی غازی مصطفیٰ کمال اتاترک دے مزارتے گین اتے گلدستہ رکھیے۔انہاں گولڈن بک اچ وی تاثرات لکھین اتے مصطفیٰ کمال اتاترک کوں 20 ویں صدی دا عظیم مدبر اتے دوراندیش رہنماقرار ڈیندے انہاں دیاں سیاسی خدمات کوں خراج تحسین پیش کیتے۔ انہاں لکھیے جو غازی مصطفیٰ کمال اتاترک بہوں اوکھے ویلھے ترک قوم دی رہنمائی اتے اگوانڑی کیتی ، انہاں ناصرف ترک قوم بھل عالمی تاریخ دا وی دھارا بدلیے اتے او پورے جگ اچ استعماریت دے خلاف مزاحمت کرنڑ آلیاں دی راہ دا ڈیوا بنڑین۔وزیراعظم آکھیا جو بابائے قوم قائد اعظم محمد علی جناح وی غازی مصطفیٰ کمال اتاترک کوں ہک عظیم رہنما اتے شخصیات قرار ڈتا ہا،پاکستان دی حکومت اتے عوام غازی مصطفیٰ کمال اتاترک دیاں بہترین خدمتاں کوں قدر دی دید نال ڈیہدن۔