اسلام آباد ۔ 8 جنوری (اے پی پی)وزیر خارجہ شاہ محمود قریشی آکھیے جو افغانستان اچ قیام امن نہ صرف افغان عوام کیتے بھل پورے خطہ کیتے امن و استحکام دا ضامن اے، پاکستان افغانستان اچ امن کیتے ہمیشہ اپنڑا کردار ادا کریندا راہسی۔اے گالھ انہاں افغان صدر اشرف غنی دے خصوصی نمائندے برائے افغان مفاہمتی عمل عمر داودزئی نال الویندے آکھی ۔ ترجمان دفتر خارجہ دے مطابق ملاقات اچ افغان مفاہمتی عمل،اہم علاقائی اتے عالمی امورتے الوایا گئے۔ عمر داود زئی آکھیا جو افغانستان دے دیرینہ اتے سنگین مسئلہ کوں گالھ مہار نال حل کرنڑ دا ویلھا آگئے۔ وزیر خارجہ شاہ محمود قریشی افغان امن کیتے پاکستان دیاں کوششاں بارے ڈسیندے ہوئے افغان نمائندے کوں افغان امن عمل کیتے خطے دے ملکاں دے اجوکے دوریاں دی تفصیل وی ڈسائی۔ نمائندہ خصوصی داودزءخطہ اچ استحکام اتے افغان مفاہمتی عمل کیتے پاکستان دے کردار دی تعریف کیتی۔
