اسلام آباد ۔ 4 جنوری (اے پی پی) پاکستان اتے ترکی افغانستان دے مسلہ دے تیکھے اتے پر امن حل کیتے رل مل تے کوششاں جاری رکھنڑ تے اتفاق کریندے ہوئے ڈوطرفہ تعلقات، تجارت ، سرمایہ کاری ودھاونڑ دا عزم کیتے۔اے عزم جمعہ کوں انقرہ اچ وزیر خارجہ مخدوم شاہ محمود قریشی اتے انہاں دے ترک ہم منصب وزیر خارجہ میولوت چاوش اوگلو دی ملاقات اچ کیتا گئے۔ڈوہاں رہنماواں پاکستان اتے ترکی وچال ڈوطرفہ تعلقات، تجارت ، سرمایہ کاری دے ودھارے سودھے اہم علاقائی اتے عالمی امورتے الوائے۔وزیر شاہ محمود قریشی ترک ہم منصب کوں خطے اچ روابط دے ودھارے اتے افغانستان اچ امن کیتے اپنڑے اجوکے دوریاں بارے ڈسائے۔ترک وزیر خارجہ آکھیا جو ترکی افغان امن کیتے پاکستان دیاں کوششاں دا معترف اے۔وزیر خارجہ شاہ محمود قریشی آکھیا جو افغانستان اتے کشمیر سودھے اہم علاقائی اتے عالمی امور تے پاکستان اتے ترکی دا موقف ہکو جھیاں اے،ڈوہاں ملکاں دے تعلقات ،آپس دی محبت ، ثقافت، مذہب اتے عوامی روابط نال بھریے ہوئے ہین۔