وزیر خارجہ مخدوم شاہ محمود قریشی نال چین دے سفیر یاوجنگ دی ملاقات،سی پیک تے اہم علاقائی اتے عالمی معاملیاں تے گالھ مہاڑ

اسلام آباد ۔ 21 جنوری (اے پی پی) وزیر خارجہ مخدوم شاہ محمود قریشی نال پاکستان اچ چین دے سفیر یاو ¿ جنگ اتھاں وزارت خارجہ اچ ملاقات کیتی۔ملاقات اچ ڈو پاسہ تعلقات چین پاکستان اقتصادی راہداری سمیت اہم علاقائی اتے عالمی معاملیاں تے گالھ مہاڑ کیتی گئی ۔ایں موقع تے وزیرخارجہ آکھیا جو انہاں دے اپنڑے چینی ہم منصب نال بیجنگ اتے کابل اچ تھیونڑ آلی ملاقاتاں کافی فائدہ مند ہن ۔اساں ڈو پاسہ تعاون دے ودھارے نال پاک چین دوستی کوں بئیا ودھیسوں۔ایں موقع تے چینی سفیر آکھیا جو چین تے پاکستان دی دوستی ڈوہیں ملکاں دی عوام دے دلاں اچ جڑ پکڑ گئی اے۔