اسلام آباد ۔ 29 جنوری (اے پی پی) وزیر خارجہ مخدوم شاہ محمود قریشی 2ڈینھ دے دورے تے اومان روانہ تھی گن۔ عمان اچ وزیر خارجہ مخدوم شاہ محمود قریشی دی اومان دی قیادت نال اہم ملاقاتاں کریسن ۔ وزیر خارجہ عمانی ہم منصب دے کٹھے جوائنٹ منسٹیریل کمیشن اچ خصوصی شرکت کریسن۔ واضح رہوے جو کمیشن دا ایہ اجلاس 9 سال بعد منعقد تھیندا پئے۔ وزیر خارجہ مخدوم شاہ محمود قریشی اومان اچ موجود پاکستانی کمیونٹی نال خطاب وی کریسن۔ امید ہے جو وزیر خارجہ مخدوم شاہ محمود قریشی دا اومان دا دورہ ڈوہائیں ملکاں وچال اقتصادی، تجارتی، تکنیکی تعاون دے ودھارے اچ اہم کردار ادا کریسی۔
