وزیر مملکت برائے محصولات حماد اظہردی ایوان بالا اچ گالھ مہاڑ

اسلام آباد ۔ 24 جنوری (اے پی پی) وزیر مملکت برائے محصولات حماد اظہر آکھیا جو حکومت گزریل چھی مہینیاں اچ ملک کوں معاشی استحکام دے رستے تے ٹوریے،خسارہ گھٹ تھیندا پئے،درآمدات اچ وی گھٹکی امدی پئی اے،مالیاتی پیکیج اچ ماسوائے ہک آئٹم دے کوئی ٹیکس کائنی لاتا گئیا۔خمیس کوں ایوان بالا دے اجلاس اچ گالھ مہاڑ کریندیں ہوئیں انہاں آکھیا جو مالیاتی پیکج اچ 1800 سی سی گاڈیاں تے کوئی نواں ٹیکس کائنی لاتا گیا ،ایں بارے اپوزیشن دے ارکان جیڑھے دعوے کیتن او درست کائنی ۔انہاں آکھیا جو پچھلے ڈاہ سالیں اچ پاکستان دی معاشی ترقی دی رفتار 1971ءدے بعد گھٹ ترین سطح تے رہی اے جڈانجو قرضیاں دے حجم اچ نشابر ودھارا تھیے۔انہاں آکھیا جو اساں ملک کوں مستحکم کریسوں،حکومت جیڑھے اقدامات کیتن او نال خسارے اچ گھٹکی تھیندی پی اے۔