اسلام آباد ۔ 27 جنوری (اے پی پی) وفاقی وزیراطلاعات تے نشریات چوہدری فواد حسین آکھیے جو اج وزیراعظم عمران خان دی قیادت اچ بدلا ہویا پاکستان ہے، ہک واضح سمت نظر دی پی ہے، پچھلے سال اساں سیاسی منزل تئیں پجے،ایں سال معاشی منزل حاصل کریسوں، پاکستان ہک خوبصورت ملک ہے، پاکستان تحریک انصاف دی حکومت تجارت، سیاحت اتے کھیڈاں دیاں سرگرمیاں کوں فروغ ڈیونڑ سانگے ملک کوں پوری دنیا سانگے کھولنڑ دی کوشش کریندی پی ہے، طالبان اتے امریکا وچال کامیاب مذاکرات نال پاکستان کوں فائدہ تھیسی،پاکستان مشرق وسطیٰ دااہم سانجھدار ہے،پاکستان 175 ملکاں سانگے ای ویزا اتے50 ملکاں دے شہریاں کوں ملک آونڑ تے ویزے دی سہولت شروع کریندا پئے ،پاکستان دی موجودہ حکومت متحدہ عرب امارات، مشرق وسطیٰ ، خلیجی تے بئے ملکاں نال تعلقات ودھاونڑ سانگے کم کریندی پی ہے ۔ ایہ گالھ انہاں اتوار کوں دبئی اچ میڈیا نال گالھ بات کریندے ہوئیں آکھی۔چوہدی فوادحسین آکھیا جووزیراعظم عمران خان افغانستان اچ امن دی خواہش دا اظہارکیتے اتے اوہ سمجھدن جو افغانستان اچ امن دے قیام نال خطے اچ تجارتی تعلقات اچ ودھارا تھی سگدے ۔انہاں آکھیا جو پاکستان افغانستان اتے یمن اچ امن تے استحکام سانگے ودھ سارے اقدامات کیتے ہن ، پاکستان مشرق وسطیٰ دا اہم سانجھدار ہے۔وزیراطلاعات آکھیا جو پاکستان تحریک انصاف دی حکومت امن دی پالیسی اپنائی ہے جیندا منطقی طورتے ایںخطے دے لوکیں کوں فائدہ پجسی۔انہاں آکھیا جو سارے ہمسایہ ، علاقائی اتے بئے ملکاں چنگے تعلقات پاکستان دی موجودہ حکومت دی پالیسی ہے، بئے ملکاں دے نال تعلقات چنگا کر تے خطے اچ تجارت کوں ودھارا ڈتا ونج جا سگدے۔انہاں آکھیا جو پاکستان 175 ملکاں سانگے ای ویزا اتے50 ملکاں دے شہریاں کوں ملک آونڑ تے ویزے دی سہولت شروع کریندا پئے ، پاکستان دی موجودہ حکومت متحدہ عرب امارات، مشرق وسطیٰ ، خلیجی تے بئے ملکاں دے نال تعلقات ودھاونڑ سانگے کم کریندی پی ہے۔وفاقی وزیرآکھیا جوپاکستان تحریک انصاف دی حکومت تجارت اتے کھیڈاں دیاں سرگرمیاں کوں فروغ ڈیونڑ سانگے ملک کوں ساری دنیاسانگے کھولنڑ دی کوشش کریندی پی ہے، کرتارپورراہداری کھولنڑ دا اقدام پاکستان ولوں ساری دنیا سانگے امن دا پیغام ہے۔اپوزیشن تے تبصرہ کریندے ہوئیں انہاں آکھیا جو ایں ویلھا اساں داخلی امور کوں ٹھیک کرنڑ تے توجہ دیندے پئے ہسے، سول اداریاں کوں مضبوط بناونڑ تے توجہ ڈتی گی ہے، فوج ایں سانگے عظیم ادارہ ہے کیونجوا وہ میرٹ بیسڈ ہے ۔انہاں آکھیا جوجتھاں تئیں سیاسی جماعتاں دے قائدین دے خلاف بدعنوانی دے مقدمات داتعلق ہے ایہ موجودہ حکومت نی بلکہ پاکستان پیپلز پارٹی اتے پاکستان مسلم لیگ ن دے ادوار اچ بنڑے، اپوزیشن رہنماواں تے قائم مقدمات نال پاکستان تحریک انصاف دی حکومت دا کوئی تعلق کائنی۔ انہاں آکھیا جو ملکی دولت لٹنڑ آلیاں یا منی لانڈرنگ کرنڑ آلیاں کوں ملک دے قنون مطابق سزائیں دا سامنڑاں کرنڑ پوسی۔انہاں آکھیا جو گورننس کوں ٹھیک کرنڑ دی کوشش کریندے پئے ہسے ، پاکستان ہک خوبصورت ملک ہے۔
