اسلام آباد ۔ 13 جنوری (اے پی پی) وفاقی وزیر اطلاعات و نشریات چوہدری فواد حسین آکھیا جو سعودی عرب اتے پاکستان ڈو بھرا ہن اتے انہاں اچ آپسی تعاون،احترام اتے اعتماد دا رشتہ اے۔انہاں اے گالھ سنوار کوسعودی ہم منصب نال ٹیلی فون تے گالھ مہاڑ، کیتی اتے ترکی الشبانہ کوں نویں ذمہ واریاں ملنڑ تے مبارکباد ڈتی ۔گالھ مہاڑ اچ سعودی عرب اتے پاکستان اچ تعلقات بارے گالھ مہاڑ تھئی۔چوہدری فواد حسین آکھیا جو اساں ولی عہد شہزادہ محمد بن سلمان دے پاکستان دے دورہ تے منتظر ہیسے،سعودی ولی عہد دے پاکستان دے دورے نال ڈوہیں ملکاں اچ پرانڑے تعلقات بئے پکے تھیسن۔
