وفاقی وزیر صحت عامر محمود کیانی دا ڈسٹرکٹ ہیڈ کوارٹر ہسپتال ہولی فیملی ،بے نظیر ہسپتال راولپنڈی اتے پمز ہسپتال دا دورہ

اسلام آباد ۔ 19 جنوری (اے پی پی) وفاقی وزیر صحت عامر محمود کیانی ڈسٹرکٹ ہیڈ کوارٹر ہسپتال ہولی فیملی اتے بے نظیر ہسپتال راولپنڈی دے نال نال اسلام آباد اچ پمز ہسپتال دا دورہ کیتے ۔ریڈیو پاکستان دے مطابق اپنڑے دوریاں اچ انہاں ہسپتالان اچ مریضاں کیتے علاج معالجہ اتے دوائیاں دی فراہمی بارے سہولتاں دا جائزہ گھدے۔ انہاں ہسپتالاں اچ زیر علاج مریضاں نال وی الوائے اتے شکایتاں بارے موقع تے احکامات ڈتن۔وزیر صحت آکھیا جو پاکستان تحریک انصاف دی حکومت شعبہ صحت تے ودھ توجہ ڈیندی پئی اے اتے ہسپتالاں اچ جدید سہولتاں ڈتیان ویندیاں پین، ایں مہینے دے چھیکڑ تئیں شعبہ صحت کیتے مختص بجٹ اچ ودھارا کیتا ویسی۔ انہاںا ٓکھیا جو ایں مہینے دے اخیر تئیں ہک کروڑ 75لکھ لوکاں کوں صحت کارڈز اسکیم توں فیدہ ملسی۔