اسلام آباد ۔ 28 جنوری (اے پی پی) وفاقی وزیر برائے منصوبہ بندی، ترقی و اصلاحات مخدوم خسرو بختیارآکھیے جو وفاقی حکومت خیبرپختونخوا دے گھٹ ترقی یافتہ علاقیاں دی ترقی کیتے ہر ممکن اقدامات یقینی بنڑیندی پئی اے،حکومت برابری دی سطح تے علاقائی ترقی دا منصوبہ بنڑیندی پئی اے۔ اے گالھ انہاں وزیر خزانہ خیبرپختونخوا تیمور جھگڑانال ہک ملاقات اچ آکھی۔ملاقات اچ خیبرپختونخوا دے ترقیاتی منصوبیاں اتے مستقبل دی حکمت عملی تے گالھ مہار کیتی گئی۔صوبائی وزیر تیمور جھگڑا صوبے دی تعمیر و ترقی اچ وفاقی حکومت دے کرداردی تعریف کیتی اتے آکھیا جو وفاق نال رل تے صوبہ دی ترقی یقینی بنڑائی ویسی۔
