وفاقی وزیر مخدوم خسرو بختیار نال یو این ڈی پی دے پاکستان اچ ریذیڈینٹ کوآرڈینیٹر نیل بھونے دی ملاقات

اسلام آباد ۔ 30 جنوری (اے پی پی) وفاقی وزیر منصوبہ بندی، ترقی و اصلاحات مخدوم خسرو بختیار نال یو این ڈی پی دے پاکستان اچ ریذیڈینٹ کوآرڈینیٹر نیل بھونے ملاقات کیتی۔ بدھ کوں وزارت ولوں جاری بیان دے مطابق ملاقات اچ سماجی تے اقتصادی ترقی، گورننس اصلاحات کیتے یو این ڈی پی دی حمایت اتے پائیدار ترقیاتی اہداف دے عالمی ایجنڈے دے حصول تے گال مہاڑ تھئی ۔ ملاقات دے دوران مخدوم خسرو بختیارآکھیا جو یو این ڈی پی پاکستان اچ چنگاں کم کریندی پئی اے۔ حکومت پائیدار ترقیاتی اہداف دے حصول کیتے کوشاں اے ۔انہاں آکھیا پبلک سیکٹر اچ اصلاحات نال اداریں دی کاکردگی کوں مزید بہتر بنڑایا ونج سگدے ۔