اسلام آباد ۔ 26 جنوری (اے پی پی) وفاقی وزیر پٹرولیم ڈویژن غلام سرور خان آکھیے جو کرپشن دادور مک گئے ہنڑ ایجھا کرنڑآلیاں کوں حساب ڈیونڑ پوسی، پاکستانی سیاست اچ بے داغ ماضی اتے خدمت دے جذبہ رکھنڑ آلے لوک ہی کردار اداا کر سگسن۔ انہاں خیالیں دااظہار ہفتے کوں انہاں تخت پڑی اچ عوامی جلسہ نال خطاب کریندے ہوئیں کیتے۔انہاں آکھیے جو تحریک انصاف دی حکومت ملکی سلامتی اتے بقاءدی ضامن ہے، میڈیا 35 سال توں قوم دی رت پیونڑ آلیاں دا محاسبہ کرنڑ تے توجہ ڈیوے۔انھاں آکھیے جو اج دنیا دیاں نظراں اچ پاکستان دی ساکھ بحال تھی گی ہے،ہر آندا ڈینھ پہلے توں چنگا ہوسی، اساڈا مقصد وزارتاں اتے پروٹوکول گھنڑ کائنی بلکہ اپنڑیاں ذمہ داریاں نال عہدے تے بہہ تے اپنڑاں کم کریندوں، ایہاوجہ ہے جواساں عوامی مسئلیاں تے توجہ ڈتی ہوئی ہے، عوام دے سارے مسئلے حل تھیسن۔انہاں آکھیے جویونین کونسل تخت پڑی اچ بالاں سانگے ہائر سیکنڈری سکول اتے کالج بنڑیسوں،ایندے علاوہ پینشنراں دیاں مشکلاں گھٹ کرنڑ سانگے ڈاکخانہ وی بنڑایا ویسی۔انہاں آکھیے جو علاقے کوں گیس ڈیونڑ سانگے ہر سال ہک یونین کونسل اچ ہک منصوبے شروع کریسوں، گیس ڈیونڑ دے منصوبے بلا امتیاز اتے شروع کیتے ویسن۔انہاں دا آکھنڑ ہا جو اساں بالاں دے محفوظ اتے روشن مستقبل سانگے کوششاں کریندے پئے ہسے اتے اساکوں امید ہے جو پاکستان کوں ہک فلاحی ریاست بناونڑدا عزم پورا کرنڑ دے بعد عوام آندے 5 سال وی تحریک انصاف کوں پاکستان دی خدمت دا موقعہ ڈیسن۔وزیر پٹرولیم آکھیے جو میڈا ایں علاقے نال پرانڑاں تعلق ہے،میں اپنڑیں الیکشن مہم اتے پہلی کارنر میٹنگ وی ایں جاءتوں شروع کیتی۔انہاں دا آکھنڑ ہا جو تھانڑاں روات دیاں ساریاں یونین کونسلاں میکوں وڈی سپورٹ کیتی ،جیندے تے انہاں دا شکرگزار ہاں، میڈا ایں علاقے نال محبت دا تعلق نسلوں تئیں چلسی۔انہاں ایں حلقے توں ایم پی اے بنڑن آلے کوں تنقید دا نشانہ بنڑیندے ہوئیں آکھیا جو اوں بندے حلف نہ چا تے پورے حلقے کوں نمائندگی توں محروم رکھیا ہوئے۔ انہاں کوں چاہیدے جوا وہ حلف چاتے علاقے دی نمائندگی کرنڑ ورنہ ایں سیٹ کوں چھوڑ ڈیونڑ۔تقریب نال بریگیڈئر (ر) طارق زمان، چوہدری افضل پڑیال، چوہدری خلیل اتے ایم پی اے چوہدری امجد خطاب کریندے ہوئیں وفاقی وزیر پٹرولیم دی علاقے دے مسئلے حل کرنڑ سانگے گھاٹی دلچسپی اتے گیس دے منصوبے شروع کرنڑ تے انہاں دا شکریہ ادا کیتا۔
