پاکستان اچ موجود ٹیلنٹ کوں ودھاونڑ کیتے نینگراں کوں سپورٹس دیاں سہولتاں ڈیونڑ ضروری ہن ، وزیراعظم عمران خان

اسلام آباد ۔ 28 جنوری (اے پی پی) وزیراعظم عمران خان آکھیے جو نینگراں دیاں تعمیری صلاحیتاں کوں نشابر کرنڑ تے پاکستان اچ موجود ٹیلنٹ کوں ودھاونڑ سانگے نینگراں کوں سپورٹس دیاں سہولتاں ڈیونڑ ضروری ہن۔ملک اچ سپورٹس دے ودھارے سانگے قائم خصوصی ٹاسک فورس ولوں پیش کیتیاں ونجنڑ آلیاں سفارشاں دی روشنی اچ سپورٹس دے شعبے اچ ضروری اصلاحات گھن آونڑ اچ مدد ملسی ۔ انہاں اے گال جاوید آفریدی نال گال مہاڑ کریندے ہوئیں آکھی جنہاں سنوار کوں اتھاں انہاں نال ملاقات کیتی۔ملاقات اچ جاوید آفریدی وزیراعظم کوں ”پشاور زلمئے“ ولوں فٹ بال لیگ دے انعقاد بارے ڈسایا ۔ ملک اچ کھیڈاں دے ودھارے اقدامات تے وی گال کیتی گی ۔ وزیراعظم ۔ انہاں آکھیا ملک اچ سپورٹس دے ودھارے سانگے حکومت ولوں خصوصی ٹاسک فورس دا قیام عمل اچ گھن آیا گے ، ٹاسک فورس ولوں پیش کیتیاں ونجنڑ آلیاں سفارشاں دی روشنی اچ سپورٹس دے شعبے اچ ضروری اصلاحات گھن آونڑ اچ مدد ملسی۔ وزیراعظم سپورٹس دے ودھارے اچ پشاور زلمے اتے جاوید آفریدی دیاں کوششاں کوں سراہیا ۔