اسلام آباد ۔ 4 جنوری (اے پی پی)پاک بحریہ دے جہازاں پی این ایس خیبر، راہ نورد ، مدد گار اتے پاکستان میری ٹائم سیکورٹی ایجنسی دے جہاز ژوب قطر دی بندرگاہ دوحہ دا دورہ کیتے جتھاں مشن کمانڈر کموڈور محمد سلیم ،کمانڈر قطر امیری نیول فورسز اتے بئے عسکری حکام نال ملین۔ ترجمان پاک بحریہ دے مطابق انہاں ملاقاتاں اچ سمندری تحفظ، دفاع سودھے بئے اہم معاملیاں تے الوایا گئے۔ پاکستانی وفد قطرامیری نیوی دے جہازاں الدیبل اتے ہواردا وی دورہ کیتے۔ چھیکڑ تے ڈوہاں ملکاں دے جہازاں مشترکہ مشقاں اچ حصہ گھدے۔ مشترکہ مشقاں دا مقصد مختلف مہارتاں اتے باہمی حربی صلاحیتاں اچ ودھارا اے۔
