اسلام آباد ۔ 23 جنوری (اے پی پی) پاک بحریہ دے سربراہ ایڈمرل ظفر محمود عباسی بحرین دے دورے دے دوران بحرین ڈیفنس فورسز دے کمانڈران چیف اتے کمانڈر یو ایس نیول فورس سینٹرل کمانڈ اتے کمانڈر کمبائنڈ ٹاسک فورس(CTF-150) نال وی ملاقاتاں کیتیاں جیں اچ پیشہ وارانہ امور تے سانجھے بحری سانجھ تے گال مہاڑ کیتی گی ۔ ترجمان پاک بحریہ دے مطابق نیول چیف دہشت گردی دے خلاف جنگ اچ پاکستان دے عزم اتے کارگردگی بشمول پاک بحریہ دے ریجنل میری ٹائم سکیورٹی پیٹرول دے اقدام تے وی روشنی پاتی ۔ نیول چیف فروری 2019 ءاچ کراچی اچ منعقد کیتی ونجنڑ آلی کثیرالملکی بحری مشق امن۔ 19 دے متعلق وی بریف کیتا ۔ بحرین ڈیفنس فورسز دے کمانڈران چیف خطے اچ بحری امن و استحکام دے سلسلے اچ پاک بحریہ دے کردار اتے خدمات دی تعریف کیتی ۔ بیاں ملاقاتاں دے دوران سانجھی دلچسپی دے امور بشمول دفاعی اتے سکیورٹی اشتراک تے گال مہاڑ تھی ۔ سربراہ پاک بحریہ دا اے دورہ ڈوہیں ملکاں دی بحری فوج وچال تعلقات اچ مضبوطی اتے استحکام دا باعث ہوسی ۔
