راولپنڈی ۔ 22 جنوری (اے پی پی) پاک فوج میڈیا رپورٹس تے نتھیا گلی اتے مری وچال ودھ ساری برف پاروں پھسیے لوکاں کوں شہریاں دی اپیل تے سویلے ریس کیو اپریشن دے بعد سارے سیاحواں کوں محفوظ جاہ تے منتقل کر ڈتا ۔اپریشن اچ پاک فوج، پاک فضائیہ، کوئیک ریسپانس فورس اتے ریسکیو دیاں ٹیماں حصہ گھدا ۔ پاک فوج دے شعبہ تعلقات عامہ (آئی ایس پی آر) دے ڈائریکٹر جنرل میجر جنرل آصف غفور سویلے اپنڑے ٹویٹ اچ ڈسایا جو سیاحواں میڈیا دے ذریعے مدد دی اپیل کیتی جیں تے ریس کیو اپریشن کرتے پھسیے ہوئے سیاحواں کوں حفاظت نال کڈھ تے مری اتے کالا باغ دی محفوظ جاہ تے منتقل کر ڈتا گیا ۔ریسکیو اپریشن سخت موسم اتے ودھ ساری برف باری دے باوجود سویلے سوا ترائے وجے شروع کیتا گیا۔
