پولیو دے پورے خاتمے اتے فالو اپ سانگے مزید ڈو سال لگسن،مرض مکاونڑ ترجیح اے ، وفاقی مخدوم خسرو بختیار

اسلام آباد ۔ 18 جنوری (اے پی پی) وفاقی وزیر منصوبہ بندی، ترقی و اصلاحات و شماریات مخدوم مخسرو بختیار آکھیا جو پولیو دے پورے خاتمے اتے فالو اپ سانگے مزید ڈو سال دا عرصہ درکار ہوسی، ایں مرض دا خاتمہ قومی ترجیحات اچ شامل اے اتے ایندے تے پورا قابو پاونڑ سانگے جامع منصوبہ بندی دی ضرورت اے ۔ سی ڈی ڈبلیو پی دے اجلاس اچ وزارت نیشنل ہیلتھ سروسز ولوں پولیو دے خاتمے دے حوالے نال 986 ملین ڈالرز دی لاگت دا نطر ثانی شدہ منصوبہ پیش کیتا جیں دا مقصد ملک اچ پولیو دے خاتمے کوں یقینی بنڑاونڑاں اے ۔ وفاقی وزیر منصوبہ بندی ترقی و اصلاحات خسرو بختیار ایں منصوبے تے گال مہاڑ کریندے ہوئیں آکھیا جو ملک توں پولیو مکاونڑ حکومت دی ترجیح اے ۔وفاقی وزیر آکھیا ایں منصوبے دی ہم آہنگی اتے عمل درآمد کوں یقینی بنڑاونڑ سانگے ہر ممکن اقدامات کیتے ویسن ۔اجلاس اچ منصوبے کوں حتمی منظوری سانگے ایکنک بھجوا ڈتا گیا۔ واضح رہے جو گزریل ہفتے سی ڈی ڈبلیو پی دے اجلاس اچ ایں منصوبے دی عبوری منظوری دی گئی ہئی۔ نظرثانی شدہ ترائے سالہ منصوبے دی لاگت 347 ملین ڈالراے۔