اسلام آباد ۔ 21 جنوری (اے پی پی) چیئرمین سینیٹ محمد صادق سنجرانی بلوچستان دے ضلع بولان اچ کھنڈنڑ آلی پراسرار بیماری دا نوٹس گھندے ہوئیں وختی اتھاں ماہرین دی ٹیم بھیجنڑ دا حکم ڈتے تاں جو ایں بیماری متعلق معلومات گھن تے تدراک سانگے لائحہ عمل بنڑایا ونجے ۔بلوچستان نال تعلق رکھنڑ آلے ایم پی ایز تے مقامی نمائندیں چیئر مین سینیٹ دی توجہ ایں پر اسرار بیماری دے پاسے کرائی جیں دے بعد چیئرمین سینیٹ سنوار کوں اپنڑے چیمبراچ ڈائریکٹر جنرل ہیلتھ سروسز ڈاکٹر اسد حفیظ اتے ایگزیکٹو ڈائریکٹر نیشنل ہیلتھ انسٹیٹیوٹ بریگیڈیئر (ر) عامر اکرام نال ایں بیماری متعلق تفصیل گھدی۔ ایں موقع تے سینیٹ دی قائمہ کمیٹی صحت دے چیئرمین سینیٹر عتیق شیخ وی موجود ہن۔ چیئرمین سینیٹ دی ہدایت تے نیشنل انسٹیٹیوٹ آف ہیلتھ سروسز دی ہک خصوصی ٹیم بلوچستان دے ضلع بولان بھیجی ویسی جیرھی جو ایں پر اسرار بیماری دی وجہ دا تفصیل نال جائزہ گھننڑ دے بعد اینکوں مکاونڑ کیتے لائحہ عمل دا چیئرمین سینیٹ کوں ڈسیسی ۔ چیئرمین سینیٹ ایں بیماری دے تدارک دے اقدامات دی خود نگرانی کریسن۔
