ڈرگ ریگولیٹری اتھارٹی مختلف دوائیاں دا مُل 9توں 15 فیصد تئیں ودھا ڈتے، نوٹیفکیشن جاری

اسلام آباد ۔ 11 جنوری (اے پی پی) ڈرگ ریگولیٹری اتھارٹی(ڈریپ) مختلف دوائیاں دا مُل 9 توں 15 فیصد تئیں ودھا ڈتے، اے ودھارا دوائین دی پیکنگ تے لکھنڑا ہوسی۔دوا ساز کمپنیاں قیمتاں ودھاونڑ دا کڈوکنڑامطالبہ کریندیاں پیاں ہن اتے ریلیف گھنڑ کیتے سپریم کورٹ نال وی رجوع کیتا ہویا ہا۔جمعہ کوں ڈرگ ریگولیٹری اتھارٹی (ڈریپ) فارما سیوٹیکل کمپنیاں دا مطالبہ منیندے ہوئے دوائیاں دا مل ودھا تے ایندا نوٹیفکیشن وی جاری کرڈتے۔ ڈرگ ریگولیٹری اتھارٹی آف پاکستان دے ترجمان دے مطابق مختلف ادویات دا مُل مختلف وجوہات مثلا ڈالردکی قیمت ودھنڑ نال مارکیٹ اچ ادویات اچ استعمال تھیونڑ آلے خام مال اتے پیکنگ میٹریل دی قیمت اچ ودھارے،یوٹیلیٹی بجلی اتے گیس دے بل ودھنڑ دے بعد ضروری ہا۔ڈریپ ترجمان آکھیے جو دوائیں دا معیار اتے مناسب مل تے فراہمی کیتے کوششاں جاری رہسن اتے ودھارے دے باجود پاکستان اچ ادویات دا مل بین الا قوامی اتے علاقائی سطح تے قیمتاں توں گھٹ رکھیا گئے۔