کابینہ دی اقتصادی رابطہ کمیٹی کاروباراچ سوکھ کیتے وزارت تجارت دی تجویزتے برآمدی پالیسی آرڈر2016 ءاچ ریگولیٹری ترامیم دی منظوری ڈے ڈتی

اسلام آباد ۔ 15 جنوری (اے پی پی)وزیر خزانہ اسد عمر دے زیر صدارت کابینہ دی اقتصادی رابطہ کمیٹی دے اجلاس اچ کاروباراچ سوکھ کیتے وزارت تجارت دی تجویزتے برآمدی پالیسی آرڈر2016 ءاچ ریگولیٹری ترامیم دی منظوری ڈے ڈتی۔اجلاس اچ وزارت تجارت ولوں اے تجویزوی منظور کر گھدی جو پرسنل پیکج یا گفٹ سکیم دے تحت ساریاں نویاں اتے پرانڑیاں درآمد شدہ گاڈیاں تے ڈیوٹی اتے ٹیکس دی ادائیگی فارن ایکسچینج دے ذریعے ہوسی جیندا انتظام پاکستانی شہری آپ یا مقامی وصول کنندہ کریسی، بنک ان کیشمنٹ سرٹیفیکیٹ،جیندے اچ غیرملکی کرنسی دی مقامی کرنسی اچ تبدیلی ظاہرکیتی گئی ہووے،کوں پیش کرنڑا ہوسی ۔اجلاس اچ یکم فروری توں 30 جون 2019 تئیں کاٹن دی درآمدتے کسٹم ڈیوٹی، اضافی کسٹم ڈیوٹی اتے سیلز ٹیکس ولا گھنڑ دی منظوری ڈتی۔